काठमाडौं । आज विश्व कलेजो दिवस मनाइँदैछ । कलेजोसँग जोडिएका रोगबारे मानिसहरुमा जागरुकता जगाउनका लागि हरेक वर्षको १९ अप्रिलमा विश्व कलेजो दिवस मनाइन्छ ।

कोरोना भाइरसका कारण मानिसहरुले घरबाहिर निस्कन बन्द गरेका छन् । जसकारण अधिकांशको जीवनशैली निष्क्रिय बनेको छ । साथै रोगहरुबाट बच्न मानिसहरुले इन्टिबायोटिक्सको प्रयोग बढाउँदैछन् ।

निष्क्रिय जीवनशैली र ज्यादा एन्टिबायोटिक्सको प्रयोगले भविष्यमा कलेजोसँग जोडिएका रोग लाग्ने सम्भावना अधिक रहन्छ । यसका साथै खानपानसँग जोडिएका केही कुराहरु छन् । जसको ज्यादा सेवनले कलेजो खराब हुनसक्छ ।

यी खानेकुरा जसले कलेजो खराब गर्नसक्छन्

१. बेकरी प्रोडक्स तथा जंक फूड

हाम्रो अल्छीपनाका कारण खानेकुरा बनाएर खानुभन्दा पनि प्याक गरिएका र जंकफूड खानमै हामी सहज मान्छौं । तर यस्ता खानेकुराले हाम्रो स्वास्थ्यमा गम्भीर खसर गरिरहेको ख्याल नै गर्दैनौं ।

केक, बिस्कुट, मफिन्स जस्ता खानेकुरा सबैलाई मनपर्छ । तर, चिकित्सकका अनुसार यी बेकरी प्रोडक्टसलाई दैनिक खानामा सामेल गर्नु उचित हुँदैन । कहिलेकाँही खानाले कुनै समस्या हुँदैन ।

तर, नियमित प्रयोगले कलेजोसँग जोडिएका रोग लाग्ने जोखिम अधिक हुन्छ । यस्ता बस्तुमा चिनी, मैदा र फ्याटको मात्रा अधिक हुन्छ ।

२. सोडा तथा कोल्ड ड्रिङ्स

अब गर्मी सिजन सुरु भएसँगै मानिसहरु पेय पदार्थ धेरै पिउँछन् । यदि नियमित रुपमा फिज आउने कोल्ड ड्रिङ्स पिउनुहुन्छ भने, तपाईंको कलोजो खराब हुनसक्छ । साथै अन्य कैयौं समस्याको पनि सामना गर्नुपर्ने अवस्था आउँछ ।

यस्ता पेय पदार्थको अधिक सेवनले मोटोपनको खतरा पनि निम्त्याउँछ । मोटोपनले कलोजमा फ्याट जम्मा हुने र कलेजो पूर्ण रुपमा खराब हुने जोखिम बढ्छ ।

३. रातो मासु

रातो मासुमा प्रोटिनको मात्रा अधिक हुन्छ । तर, यसलाई पचाउन कलेजोलाई मुस्किल हुन्छ । यसैकारण नियमित रातो मासुको सेवन पनि कलेजोका लागि हानिकारक मानिन्छ ।

कलेजोले पचाउन नसक्दा प्रोटिन जम्मा हुन थाल्छ र फ्याटी लिभर डिजिजको खतरा हुन्छ । चिकित्सकहरु यसैकारण पनि रातो मासुको अधिक सेवन नगर्न सुझाव दिन्छन् ।

४. फास्ट फूड र नुन अधिक भएका खानेकुरा

आधुनिकतामा नाममा हामी बजारमा पाइने अनेक प्रकारका स्पाइसी खानेकुरा खानमै बढी रुचि देखाउँछौं । अहिलेका बालबालिका त अझ घरमा बनेको खानाभन्दा तयारी खाना नै मन पराउँछन् ।

फ्रेन्च फ्राइज, बर्गर, पिज्जा, नुन अधिक भएको आलूचिप्स, फ्रोजन फूड आदीको सेवन अधिक गर्नु कलेजो मात्रै होइन अन्य स्वास्थ्यका लागि पनि हानिकारक हुन्छ ।

यस्ता खानेकुरामा स्याचुरेटेड फ्याट र नुनको मात्रा धेरै हुन्छ । यस्ता खानेकुराको धेरै सेवनले शरीरमा इन्फ्लेमेशन हुनसक्छ । जसले कलेजोलाई पूर्ण रुपमा खराब गर्न पनि सक्छ ।

५. मदिरा

खुसीयाली होस् वा पीडाको समय अधिकतर मानिसहरु मदिरा सेवनले नै खुसी साँट्ने र दुःख बाँट्ने गर्दछन् । यदि तपाईं धेरै मदिरा सेवन गर्नुहुन्छ भने कलेजो त्यसलाई पचाउनका लागि निकै कोशिस गर्दछ ।

यसबेला कलेजोमा केमिकल रियाक्सन पैदा हुन्छ । जसले कलेजोलाई ड्यामेज नै गर्नसक्छ । मदिराले कलेजोसँग जोडिएका कैयौं समस्या उत्पन्न गराउँछ । लामो समयसम्म मदिरा सेवनले कलेजो ड्याम गर्ने जोखिम अधिक हुन्छ ।