२०८२ माघ १३ गते मंगलवार
२०८२ माघ १३ गते मंगलवार
वीरेन्द्रनगर । कर्णाली प्रदेश सरकारले संसद् बैठकको आह्वान गरेको छ । कर्णाली सरकारले प्रदेशसभाको बैठक वैशाख ३ गतेलाई बोलाउने निर्णय गरेको हो ।
२९ चैत्रमा बसेको मन्त्रिपरिषद्को बैठकले वैशाख ३ गते संसद् बैठककोआह्वान गर्ने निर्णय गरेको हो । कर्णाली प्रदेश सरकारले वैशाख ३ गते दिउँसो २ बजे बैठक बोलाउन प्रदेश प्रमुखसमक्ष सिफारिस गर्ने निर्णय भएको सरकारका प्रवत्ता विमला केसीले जानकारी दिइन् ।
त्यस्तै, मन्त्रिपरिषद् बैठकले कालीकोटको नरहरिनाथ गाउँपालिका वडाको संख्या बढाउने र सिमाना हेरफेर गर्ने निर्णयसमेत गरेको छ ।
कर्णाली खेलकुद परिषद्को सदस्यमा जाजरकोट नलगाड नगरपालिका–५ का इन्द्रबहादुर शर्मालाई मनोयन गर्ने निर्णय भएको प्रवत्ता केसीले बताइन् ।
कर्णाली प्रदेश सरकारले लोपोन्मुख तथा सीमान्तकृत समुदायको लागि जीविकोपार्ज र आयआर्जन कार्यक्रम संचालन कार्यविधि स्वीकृत गर्ने निर्णयसमेत गरेको छ ।
© 2026 All right reserved to khabarcnter.com | Site By : Sobij
