२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । हिउँदका दिनमा चिसो सिरेटोबाट बच्न हामी न्याना लुगा लगाउँछौं अनि ज्यानलाई तातो राख्न तात्तातो चिया कफी पिउँछौँ । हामीमध्ये केही त पानी पनि तातै बनाएर पिउँछौँ । हिउँदको मौसममा चिसो पानी पिउनु स्वास्थ्यका लागि हानिकारक हुन सक्छ भनेर विज्ञहरू भन्छन् ।
चिसो पानीको सेवनले तपाईंको शरीरको तापक्रम र पाचन प्रणालीमा नकारात्मक असर पार्न सक्छ । जाडोमा चिसो पानी पिउनु स्वास्थ्यका लागि हानिकारक मात्र होइन, यसले अन्य कयौँ समस्या पनि निम्त्याउन सक्छ । जाडोमा चिसो पानी पिउनु हुन्न भनेर त भनिन्छ । तर यसो गर्न नहुनुका कारण तपाईँलाई थाहा छ ?
यस्ता छन् कारणहरू:
पाचन प्रणालीमा असर
चिसो पानीले हाम्रो पाचन प्रणालीलाई सुस्त बनाउन सक्छ । चिसो पानी पिउँदा यसले आन्द्रा र पेटको मांसपेशीहरूलाई संकुचित बनाउँछ । यसको नतिजास्वरुप खाना राम्ररी पच्न सक्दैन र ग्यास, एसिडिटी र अपच जस्ता समस्या हुन सक्छ ।
शरीरको तापमानमा असंतुलन
चिसो पानीले शरीरको प्राकृतिक तापक्रमलाई असन्तुलित गर्न सक्छ । जाडोमा शरीर पहिला देखि नै चिसोसँग जुधिरहेको हुन्छ । यस्तोमा चिसो पानी पिउँदा सामान्य तापक्रम कायम राख्न शरीरले निकै मिहिनेत गर्नुपर्ने हुन्छ । यसका कारण ऊर्जा गुम्छ र चिसो लाग्ने जोखिम पनि बढ्छ ।
प्रतिरक्षा प्रणालीमा प्रभाव
जाडोमा चिसोका कारण प्रतिरक्षा प्रणाली पहिलेको भन्दा कमजोर भएको हुन्छ । चिसो पानी पिउँदा घाँटी दुख्ने र इन्फेक्सन हुने खतरा बढ्छ । यसले रुघाखोकी र ज्वरो जस्ता समस्यालाई अझ गम्भीर बनाउन सक्छ ।
श्वासप्रश्वाससम्बन्धी रोगहरूको जोखिम
जाडोमा चिसो पानी पिउँदा श्वासप्रश्वासको नलीमा नराम्रो असर पर्छ । यसले ब्रोन्काइटिस वा दम जस्ता रोगहरू बढाउन सक्छ । यदि कसैलाई पहिलेदेखि नै श्वासप्रश्वासको समस्या छ भने चिसो पानी पिउँदा अवस्था झनै बिग्रन सक्छ ।
मुटुको धड्कनमा असर
धेरै चिसो पानी पिउँदा शरीरका रक्तनलीहरू खुम्चिन सक्छ । यसले रक्तप्रवाहमा नकारात्मक असर पार्छ । मुटुको धड्कन असामान्य बनाउन सक्छ र थकित महसुस हुन सक्छ ।
त्यसो भए के गर्ने ?
जाडोमा मनतातो पानी पिउने बानी बसाल्नुहोस् । यसले पाचन प्रणालीलाई त स्वस्थ राख्छ नै प्रतिरक्षा प्रणालीलाई पनि बलियो बनाउँछ । मनतातो पानी पिउनाले शरीरलाई आराम मिल्छ र चिसोको असर पनि कम हुन्छ ।
© 2025 All right reserved to khabarcnter.com | Site By : Sobij
