२०८२ भाद्र २ गते सोमवार
२०८२ भाद्र २ गते सोमवार
काठमाडौं । विभागीय टोली नेपाल पुलिस क्लबले काभा महिला भलिबल क्लब च्याम्पियनसिपमा लगातार तेस्रो जित हासिल गरेको छ ।
माल्दिभ्सको मालेमा जारी प्रतियोगितामा मंगलबार ताजिकस्तानको डाइमेड भलिबललाई ३–० को सोझो सेटमा पराजित गर्दै पुलिसले अपराजित यात्रका तेस्रो खेलसम्म लम्बाएको हो ।
पुलिसले आइतबार उज्बेकिस्तानको हुमो भलिबल क्लब र सोमबारश्रीलंकाको श्रीलंका एयर फोर्सलाई यही नतिजाले पराजित गरेको थियो ।
योसँगै पुलिसले तीन खेलबाट ९ अंक जोडेको छ । डाइमेडले पुलिसलाई कुनै पनि सेटमा टक्कर दिन सकेन ।
पहिलो सेट २५–१५ ले जितेको पुलिसले त्यसपछिका दुई सेट पनि सहजै आफ्नो पक्षमा बनायो । दोस्रो सेट २५–१२ ले पुलिसले जितेको थियो। तेस्रो तथा अन्तिम सेट २५–१५ ले आफ्नो बनायो ।
© 2025 All right reserved to khabarcnter.com | Site By : Sobij
