२०८२ भाद्र २२ गते आइतवार
२०८२ भाद्र २२ गते आइतवार
काठमाडौं । सुदूरपश्चिम प्रदेश सभा बैठकमै सत्तापक्षका सांसदहरूले नाराबाजी गरेका छन् । आज (मंगलबार) उक्त सभामा निजामती सेवा ऐन– २०७९ लाई संशोधन गर्न बनेको विधेयक पारित गर्न खोज्दा उनीहरूले नाराबाजी गरेका हुन् ।
प्रदेश सभाबाटै विधेयक पारित हुँदै गर्दा नागरिक उन्मुक्ति पार्टीका सांसदहरूले रोस्टम अगाडि उभिएर नाराबाजी गरेका हुन् । नागरिक उन्मुक्ति पार्टी संसदीय दलका नेता घनश्याम चौधरीले रोस्टममै उभिएर अहिलेको ऐन समावेशी नभएको भन्दै विरोध गरेका थिए ।
समावेशीता उक्त विधेयकमा नसमेट्नु र आफूहरूसँग छलफल नै नगरी प्रदेश सभामा पारित गर्नु राज्दा आफूहरूले विरोध गरेको नाउपा सांसदको तर्क छ । उनीहरूले यथास्थितिमा पारित गर्न खोजियो भने समर्थन नगर्नेसमेत चेतावनी दिएका छन् ।
आन्तरिक मामिला तथा कानुन मन्त्री हिरा सार्कीले संसदमा उठेका विषयमा जवाफ दिएपछि सभामुख भीम भण्डारीले संशोधन हुने विषयहरूलाई विधेयक प्रदेश सभामा निणयार्थ प्रस्तुत गरेका थिए । विधेयकको एमाले–कांग्रेसले समर्थन गरेका थिए भने नागरिक उन्मुक्तिका पाँच जना सांसदले विरोध जनाएका थिए ।
प्रतिपक्षी दल माओवादी केन्द्रका सांसदहरूले विधेयक समावेशी नभए समर्थन नगर्ने प्रष्ट पारिसकेका छन् । विधेयक पारित गर्न नहुने अडान राखेपछि सत्तापक्ष नाउपाका सांसदहरूले समेत माओवादीको समर्थन जनाएका थिए ।
© 2025 All right reserved to khabarcnter.com | Site By : Sobij
