२०८२ माघ १८ गते आइतवार
२०८२ माघ १८ गते आइतवार
काठमाडौं । नेकपा (माओवादी) का महासचिव नेत्रविक्रम चन्दले राष्ट्रिय स्वतन्त्र पार्टी (रास्वपा) ले सत्तामा पुग्ने हतारो गरिरहेका टिप्पणी गरेका छन् । आईतवार काठमाडौंमा आयोजित एक कार्यक्रममा बोल्दै उहाँले लोकप्रियतावादको नारा उरालेर जनतामा भ्रम छर्दै नयाँ भनिएको पार्टीहरुले सत्तामा पुग्नका लागि हतार गरिरहेको आरोप लगाएका हुन्।
महासचिव विप्लवले नयाँ पार्टीहरुले विचार केही होइन, व्यक्ति भए हुन्छ भनेर पुँजीवाद संस्कार अंगिकार गरेको जिकिर समेत गरेका छन्। उनले विचार केही होइन भन्नेहरुले उपभोगवादी संस्कृतिलाई प्राथमिकतामा राखेको समेत बताएका छन् ।
विप्लवले भने, ‘विचार केही होइन, पार्टी र नेता भए हुन्छ । यो त नयाँ भन्नेहरुको सिद्धान्त हो । अहिले के देखिन्छ भने सिद्धान्त र विचारको कुरा गर्नु हुँदैन । किन यस्तो कुरा गर्ने भन्ने के , यो कस्तो तरिका हो भने भने पुँजीवादीहरुको तरिका हो । पुँजीवादमा पनि अहिले यो लोकप्रियताबादको नारा हो यो । मान्छे देखाउने, अनि केही भ्रम छर्ने अनि हत्तनपत्त सत्तामा पुगेर गरिहालिन्छ भन्ने यो उपभोगवादी र लोकप्रियतावादी नारा हो । त्यसो हुनुहुँदैन ।’
महासचिव चन्दले कम्युनिष्ट पार्टीहरुबीचको एकता प्रक्रियाबाट आफ्नो पार्टी पछि हटेको भनेर भ्रम छर्ने काम गरिएको प्रतिक्रिया पनि दिएका छन् ।
© 2026 All right reserved to khabarcnter.com | Site By : Sobij
