२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । प्रधानमन्त्री पुष्पकमल दाहाल ‘प्रचण्ड’ नेतृत्वको मन्त्रिपरिषद् बैठक बस्दैछ । बैठक आज (शुक्रबार) अपरान्ह बस्ने भएको हो ।
प्रधानमन्त्री तथा मन्त्रिपरिषद्को कार्यालय सिंहदरबारमा बैठक बस्न लागेको प्रधानमन्त्रीको सचिवालयले जनाएको छ ।
आजको बैठकमा ११ देशमा रिक्त राजदूतहरूको पदपूर्तिका लागि छलफल हुने बताइएको छ । यसका साथै अन्य समसामयिक विषयमा पनि छलफल हुनेछ ।
हिजो (बिहीबार) अपरान्ह सिंहदरबारमा प्रधानमन्त्री प्रचण्ड, एमाले अध्यक्ष केपी शर्मा ओली र रास्वपा सभापति रवि लामिछानेबीच राजदूत नियुक्तिबारे मोटामोटी सहमति भइरहेको छ ।
सो सहमतिअनुसार नेकपा (एमाले) ८, रास्वपा २ र माओवादी केन्द्रले १ राजदूत लिने गरी सहमति भएको छ । गत जेठ २४ मा मन्त्रिपरिषद् बैठकले भारत, अमेरिका, बेलायतलगायत ११ देशका राजदूत फिर्ता बोलाउने निर्णय गरेको थियो ।
© 2025 All right reserved to khabarcnter.com | Site By : Sobij
