२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । सांसद तथा सत्तारूढ दल नेकपा (एमाले)का सचिव योगेश भट्टराईले सरकारले प्राकृतिक प्रकोपको राहत तथा उद्धारमा बजेट कम छुट्ट्याएको भन्दै सरकारको ध्यानाकर्षण गराएका छन् ।
आज (बिहीबार) प्रतिनिधिसभाको बैठकमा विशेष समय लिएर भट्टराईले जलवायु परिवर्तनका कारण मौसमजन्य विपदले असर गरिएको बताउँदै यसको राहत र उद्धारमा सरकारले पर्याप्त बजेट व्यवस्था नगरेको बताए ।
उनले भने, ‘सरकारको पूर्वतयारी सन्तोषजनक छैन । विपद प्राधिकरणलाई बार्षिक १८ करोड बजेट दिइएको छ र तलब भत्ता पारिश्रमिकमा १५ करोड खर्च हुन्छ भने ३ करोडमा प्राधिकरणले के गर्न सक्छ ?’
नेपाली सेना, नेपाल प्रहरी सशत्र प्रहरीले प्रतिकूल अवस्थाका बीच पनि उद्धारको काम गरिरहेको बताए ।
उनले देश भर नै विपदको पूर्वतयारी जसरी हुनुपर्ने थियो त्यसरी हुन नसकेको भन्दै सरकारको ध्यानाकर्षण गराएका छन् । उनले विपदपछिको राहत र उद्धारका सुरक्षा निकायलाई साधन र स्रोत सम्पन्न बनाउन सरकारको ध्यानाकर्षण गराएका छन् ।
यसअघि बसेको प्रतिनिधिसभा बैठकमा गृहमन्त्री रवि लामिछानेले प्राकृतिक विपदको तयारीका लागि सरकारले कुनै कमी नगरेको बताएका थिए ।
© 2025 All right reserved to khabarcnter.com | Site By : Sobij
