२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । सत्तारूढ दल नेकपा (एकीकृत समाजवादी)का अध्यक्ष माधवकुमार नेपाल र प्रतिपक्षी नेपाली कांग्रेस सभापति शेरबहादुर देउवाबीच भेटवार्ता हुँदैछ ।
नेपाल र देउवाबीच आज (बुधबार) अपरान्ह ५ बजे भेटवार्ता हुने देउवाका स्वकीय सचिव भानु देउवाले जानकारी दिए ।
भानुका अनुसार देउवाले मधेसवादी दललाई पनि छलफलका लागि बोलाएका छन् । मधेस प्रदेश प्रदेश सरकार लगायतका विषयमा छलफल गर्न देउवाले एकीकृत समाजवादी, जसपा नेपाल र लोसपालाई बोलाएका हुन् ।
मधेस प्रदेशमा एमाले, माओवादी केन्द्रले समर्थन फिर्ता लिएपछि जसपा नेपालका सरोज यादवको सरकार अल्पमतमा परेको छ ।
मधेसमा कांग्रेस, जसपा नेपाल, एकीकृत समाजवादी, लोसपास एक ठाउँमा आउँदा मधेसमा केन्द्रीय सत्ता गठबन्धनविरुद्धको सरकार बन्ने देखिन्छ ।
उक्त प्रदेशमा कांग्रेसका २२, जसपा नेपालका १९, एकीकृत समाजवादीका ७ र लोसपाका ८ गरी ५६ सांसद छन् । १०७ सदस्यीय मधेस प्रदेशसभामा बहुमतका लागि ५४ सांसद आवश्यक पर्छ ।
© 2025 All right reserved to khabarcnter.com | Site By : Sobij
