२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । सहकारी पीडितहरूले आन्दोलनको घोषणा गरेका छन् । बचतकर्ताहरूले जम्मा गरेको रकम अपचलन गर्नेविरुद्ध आन्दोन घोषणा गरेका हुन् ।
सहकारी बचतकर्ता संरक्षण राष्ट्रिय अभियान महासंघले सहकारीको रकम अपचलन गर्नेविरुद्ध आफूहरूले शुक्रबारदेखि आन्दोलन गर्ने घोषणा गरेका छन् ।
महासंघका अध्यक्ष कुशलव केसीले ११ गते ११ बजेदेखि माइतीघरमा रिले अनशन सुरु गरेर आन्दोलन गर्ने बताए । ‘हाम्रो माग पूरा नभएसम्म देशैभरका सहकारी पीडित एकजुट भएर आन्दोलन गर्छौँ । र, बचत फिर्ता नभएसम्म आन्दोलन जारी रहन्छ,’ पत्रकार सम्मेलनमा केसीले भने ।
गृहमन्त्री तथा रास्वपा सभापति रवि लामिछाने सहकारी ठगीमा संलग्न भएको भन्दै प्रतिपक्षी नेपाली कांग्रेसले संसदीय छानबिन समितिको माग गरेको थियो । त्यसपछि समिति गठन भएपनि कार्यादेशमा कुरा मिलेको छैन ।
त्यस्तै सहकारी पीडितहरूले उक्त सम्मेलनमा राष्ट्रिय स्वतन्त्र पार्टी (रास्वपा)लाई लक्षित गर्दै मिसन– २०८४ मा भोट माग्न आए घरबाटै लखेट्ने बताएका छन् ।
केही वर्षयता रास्वपाले सार्वजनिक तथा पार्टीका कार्यक्रममा मिसन– २०८४ भन्दै आएको छ । ८४ मा आमनिर्वाचन हुनेछ ।
© 2025 All right reserved to khabarcnter.com | Site By : Sobij
