२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । प्रधानमन्त्री पुष्पकमल दाहाल ‘प्रचण्ड’ले गृहमन्त्री रवि लामिछानेलाई संसद्मा बोल्न दिन आग्रह गरेका छन् । प्रतिपक्षी कांग्रेसले संसद् बैठक अवरुद्ध गर्ने सम्भावना बलियो देखेपछि उनले यस्तो आग्रह गरेका हुन् ।
प्रधानमन्त्री प्रचण्डले आज (बिहीबार) बिहान कांग्रेस सभापति शेरबहादुर देउवालाई टेलिफोन गरेरै रविलाई संसद्मा बोल्न दिन आग्रह गरेका हुन् ।
रविलाई संसद्मा बोल्न दिए संसदीय छानबिन समिति समेत गठन गर्न सकिने देउवालाई आश्वासन दिएका छन् । सहकारी ठगी प्रकरणमा रविमाथि संसदीय समिति गठनको माग गर्दै कांग्रेसले संसद् अवरुद्ध पार्दै आएको छ ।
कांग्रेस संसदीय दलका प्रमुख सचेतक रमेश लेखकले प्रधानमन्त्री प्रचण्डको भनाइ उद्धृत गर्दै भने– ‘रवि लामिछानेलाई संसद्मा बोल्न दिनुस् । समिति बन्छ भन्नुभएको छ । यसमा हामी सकारात्मक छौं ।’
आज बिहान ११ बजे बोलाइएको प्रतिनिधिसभाको बैठक अपरान्ह ४ बजे सारिएको छ भने राष्ट्रिय सभाको बैठक ४ः१५ बजे बस्नेछ ।
© 2025 All right reserved to khabarcnter.com | Site By : Sobij
