२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । औषधि व्यवस्था विभागले कोभिड-१९ विरुद्धको खोप आयातका लागि आवेदन दिन एक साताको समय थप गरेको छ। यसअघि चैत २ गते विभागले निजी क्षेत्रलाई खोप आयातका लागि बाटो खुला गरेको थियो।
उक्त अवधिमा हालसम्म कुनै पनि रितपूर्वक आवेदन प्राप्त नभएको भन्दै विभागले एक सूचना जारी सात दिनको अवधि थप गरेको हो।
सूचनामा भनिएको छ, ‘कोभिड १९ खोपको आपतकालीन प्रयोग र आयात अनुमति प्रदान गर्ने सम्बन्धमा यस विभागबाट मिति २०७७र१२र२ गतेमा प्रकाशित सार्वजनिक सूचनाको हकमा आजका दिनसम्म कुनै पनि रितपूर्वक आवेदन प्राप्त नभएको देखिएकाले थप सात दिनको अवधि कायम हुने गरी पुनः यो सूचना प्रकाशित गरिएको छ।’
कोभिड-१९ विरुद्धको खोप अभियानलाई सफल पार्न तथा खोपको आपूर्तिमा सहजता कायम गर्नका लागि भन्दै विभागले निजी क्षेत्रलाई खोप आयातका लागि बाटो खुला गरेको थियो।
इच्छुक उत्पादक कम्पनीरआधिकारिक आयातकर्ता वा उत्पादकले तोकेको आधिकारिक बिक्रेतलाहरुलाई आवश्यक कागजात सहित सात दिन भित्र निवेदन पेश गर्न विभागले चैत २ गते पहिलो पटक सूचना जारी गरेको थियो।
© 2025 All right reserved to khabarcnter.com | Site By : Sobij
