२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । सुदूरपश्चिम प्रदेशका मुख्यमन्त्री दीर्घ सोडारीलाई विश्वासको मत दिन हतार नगर्न नेकपा (एमाले) अध्यक्ष केपी शर्मा ओलीले निर्देशन दिएका छन् ।
सोडारीले शनिबार विश्वासको मत लिने तयारी गरेका थिए । तर, सत्तासाझेदार दल एमाले–माओवादीले नै विश्वासको मत नदिने अडान लिएपछि प्रदेशसभाको बैठक अनिश्चितकालका लागि स्थगित भएको थियो ।
बैशाख ६ गते सोडारी सुदूरपश्चिमको मुख्यमन्त्रीमा नियुक्त भएका थिए । यसअघि शुक्रबार पनि सोडारीले विश्वासको मत लिन खोजेका थिए । तर, विश्वासको मत पाउने पक्का नभएपछि उनले त्यसलाई शनिबारसम्म सारेका थिए ।
सुदूरपश्चिममा एमालेले सुरुमा सोडारीलाई नस्वीकार्ने बताएको थियो । तर, उक्त अडान कायमै राख्दा सत्ता गठबन्धनमा गडबड आउने संकेत देखिएपछि एमाले आफ्नो अडानबाट पछि हटेको थियो । सुदूरपश्चिममा किचलो कायमै रहँदा प्रदेशसभामा एमाले संसदीय दलका नेता राजेन्द्रसिंह रावल तथा प्रमुख सचेतक सुरेन्द्र पाल पार्टी अध्यक्ष ओलीसँग भेट गर्न शनिबार राति बालकोट पुगेका थिए ।
भेटमा ओलीले तत्काल विश्वासको मत दिन हतार नगर्न सुदूरपश्चिम प्रदेश सांसदहरुलाई निर्देशन दिएका छन् ।
© 2025 All right reserved to khabarcnter.com | Site By : Sobij
