२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । नेकपा (एमाले) अध्यक्ष केपी शर्मा ओली इलाम पुगेका छन् ।
इलाम–२ को उपनिर्वाचनमा एमालेका उम्मेदवार सुहाङ नेम्वाङ विजयी भएपछि विजय सभालाई सम्बोधन गर्न ओली इलाम पुगेका हुन् ।
इलाम पुगेर अध्यक्ष ओलीले सुहाङलाई भेट्दै बधाई दिएका छन् । ओलीले अँगालोमा हालेर सुहाङलाई बधाई दिएका छन् ।
एमालेले आयोजना गर्ने विजयी सभालाई ओलीले सम्बोधन गरेका थिए । सुहाङले २७ हजार ७७२ मत पाएर विजयी भएका हुन् ।
यसअघि उनलाई एमालेले टिकट दिँदा इलामकै एमाले नेता तथा कार्यकर्ताले राजाको छोरो राजै हुने तानाशाही प्रवृत्ति पार्टीमा हाबी भएको आरोप लगाएका थिए ।
उनका बाबु सुवास नेम्बाङ २०७९ को निर्वाचनमा इलाम–२ बाट विजयी भएका थिए । उनको निधन भएपछि छोरा सुहाङलाई एमालेले उपनिर्वाचन २०८१ का लागि उम्मेदवार बनाएको थियो ।
उनलाई एमालेकै कार्यकर्ताले तानाशाहीको आरोप लगाएका थिए भने प्रतिपक्षी उम्मेदवारले राजाको छोरो राजै हुने भन्दै चुनावी नारा समेत बताएका थिए ।
इलाम–२ ले सुहाङको विजयी सवार तथा सभाको आयोजना गरेको थियो । त्यहाँ उनी राजाको जस्तै सवारमा सडकमा उत्रिएका थिए भने हजारौँ शुभचिन्तकको भीडले उनलाई सघाएको थियो ।
विजयी सभामा एमाले अध्यक्ष केपी शर्मा ओलीले सुहाङलाई अंगालो हालेका थिए ।
© 2025 All right reserved to khabarcnter.com | Site By : Sobij
