२०८२ माघ १२ गते सोमवार
२०८२ माघ १२ गते सोमवार
जनकपुरधाम । आन्तरिक राजस्व कार्यालय जनकपुरधामका कर अधिकृतसहित दुई जना डेढ लाख घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले कर अधिकृत रमेश ढकाल र आर.एन. म्यानेजमेन्ट अकाउण्ट कन्सल्टेन्सीका प्रोपाइटर नवीनकुमार कर्णलाई घुस रकमसहित पक्राउ गरेको हो ।
कर अधिकृत ढकाल र बिचौलिया नवीनकुमार कर्णलाई सेवाग्राहीबाट १ लाख ५० हजार रुपैयाँ घुस लिँदै गर्दा अख्तियार दुरुपयोग अनुसन्धान आयोगले बर्दिवास कार्यालयबाट खटिएको टोलीले पक्राउ गरेको हो ।
उनीहरुले एक जना डिष्टिलरी उद्योगीसँग कर बापतको अन्तशुल्क समायोजनको रकम फिर्ता गर्ने भन्दै अतिरिक्त रकम लिएको अख्तियार दुरुपयोग अनुसन्धान आयोगका प्रवक्ता नारायणप्रसाद रिसालले जानकारी दिए ।
पक्राउ परेका दुवै जनाविरुद्ध थप अनुसन्धान भइरहेको अख्तियारले जनाएको छ ।
© 2026 All right reserved to khabarcnter.com | Site By : Sobij
