२०८२ भाद्र २४ गते मंगलवार
२०८२ भाद्र २४ गते मंगलवार
काठमाडौंँ । रामबाबु गुरुङको निर्देशन रहने फिल्म ‘डिग्री माइला : एमए थर्ड क्लास’को छायांकन सुरु भएको छ । गत शनिबार नक्साल भगवती मन्दिरमा शुभमुहूर्त गरिएको फिल्मको शुक्रबारदेखि ओखलढुङ्गास्थित रुम्जाटारबाट छायांकन सुरु भएको हो ।
पहिलो चरण ओखलढुङ्गा र दोस्रो चरण काठमाडौंमा हुने फिल्ममा अभिनेता दयाहाङ राई र अभिनेत्री आँचल शर्माको जोडी बाँधिने छ । विजय बराल, माओत्से गुरुङ, बुद्धि तामाङलगायतको पनि अभिनय फिल्ममा देख्न सकिन्छ ।
२०७१ सालमा मण्डला थिएटरमा तीनपटकसम्म मञ्चन भएको ‘डिग्री माइला’ नाटकको आइडियामा रहेर यो फिल्म बन्न लागेको हो । त्यस नाटकलाई दयाहाङ राईले निर्देशन गरेका थिए ।
बासुरी फिल्मस् प्रोडक्सनको ब्यानरमा बन्न लागेको फिल्मको ट्यागलाइन ‘किन चाउरियो मरिच, आफ्नै रागले’ राखिएको छ । आगामी नयाँ वर्ष (२०८१)मा फिलम प्रदर्शनमा आउने निर्माण युनिटले जनाएको छ ।
© 2025 All right reserved to khabarcnter.com | Site By : Sobij
