२०८२ भाद्र २४ गते मंगलवार
२०८२ भाद्र २४ गते मंगलवार
काठमाडौँ । नेपाली फिल्म ‘पापी मान्छे ३’ निर्माण हुने भएको छ । १८ वर्षअघिको सुपरहिट फिल्म ‘पापी मान्छे’को सिरिजका रुपमा यो फिल्म निर्माण हुन लागेको हो ।
आर।सी। पिक्चर्सको प्रस्तुतिमा राज कुमार राईले फिल्म निर्माण गर्न लागेका हुन् । निर्देशक समाजका अध्यक्ष जनकदीप पराजुलीले फिल्मको निर्देशन गर्नेछन् ।
आज बुधवार एक पोस्टर सार्वजनिक गर्दै फिल्म निर्माणको औपचारिक घोषणा गरिएको हो । सार्वजनिक पोस्टरमा चिपाञ्जीलाई राखिएको छ ।
निर्देशक पराजुलीले जनावरका साथमा अहिलेका चल्तीका कलाकारहरूलाई लिएर मूलधारको व्यावसायिक फिल्म बनाउन लागिएको बताए ।
दीपक श्रेष्ठको निर्देशनमा बनेका ‘पापी मान्छे’ र ‘पापी मान्छे २’मा अभिनेता निखिल उप्रेतीको शीर्ष भूमिका थियो, साथमा कुकुर र बाँदरलाई पनि विशेष रुपमा प्रस्तुत गरिएको थियो । कुकुर र बाँदरको अभिनयलाई लिएर पनि ती फिल्मको चर्चा भएको थियो ।
© 2025 All right reserved to khabarcnter.com | Site By : Sobij
