हिमालयन बैंकले हस्तान्तरण गर्‍यो १० लाख रुपैयाँ दुर्घटना बीमा रकम

आषाढ २४, २०८० आइतवार

2.0K

हिमालयन बैंकले हस्तान्तरण गर्‍यो १० लाख रुपैयाँ दुर्घटना बीमा रकम

काठमाडौं । हिमालयन बैंक लिमिटेडले दुर्घटना मृत्यू बीमा सुविधा अन्तर्गत दश लाख रुपैयाँको दुर्घटना मृत्यृ बीमा दाबी रकम भुक्तानी गरेको छ । यो रकम विशेष तलबी खाता योजना अन्तर्गत हो । बैंकका खातावाला स्व. ईश्वर गुराँगाईको दुर्घटनामा परी असामयिक निधन भएको थियो ।

निजको पत्नी विमला गुराँगाईलाई सो रकम मिति २०८० साल आषाढ १९ गते सोमबारका दिन बैंकको बनेपा शाखाका शाखा प्रबन्धक सुर्योदय प्रजापतीले शाखाका अन्य कर्मचारीहरु बीच हस्तान्तरण गरेका हुन् ।

बैंकले उक्त खाता योजनामा हिमालयन एभरेष्ट इन्स्योरेन्स लिमिटेडसँग खातावालाहरुको दुर्घटना मृत्यृ बीमा खरिद गरेको हो । सो रकमले मृतकको परिवारमा केही सहयोग हुन्छ भन्नेमा बैंक आशा गरेको छ ।

हिमालयन बैंकले विशेष तलबी खाता र नारी वचत खाता योजनामा दश लाख रुपैयाँ सम्मको दुर्घटना मृत्यृ बीमा सुविधा प्रदान गर्दै आएको छ । अन्य वचत योजनाहरुमा पाँच लाख रुपैयाँसम्मको दुर्घटना मृत्यृ बीमा सुविधा प्रदान गर्दै आएको छ ।