२०८२ भाद्र २५ गते बुधवार
२०८२ भाद्र २५ गते बुधवार
काठमाडौं । नेपाल स्टक एक्सचेञ्ज (नेप्से)मा साताको पहिलो दिन आज आइतबार तीन कम्पनीको शेयर सूचीकृत भएको छ । नेप्सेमा रिडी हाइड्रोपावर, अपि पावर र सानिमा माइ हाइड्रोपावर कम्पनीको शयर सूचीकृत भएको हो ।
कुन कम्पनीको कति ?
रिडी हाइड्रोपावर
आइतबार रिडी हाईड्रोपावर डेभलपमेण्ट कम्पनी लिमिटेडको ५ प्रतिशत बोनस शेयर नेप्सेमा सूचीकृत भएको छ । कम्पनीले उक्त बोनस शेयर वापतको २ लाख ७८ हजार ८३७ कित्ता शेयर नेप्सेमा सूचीकृत गराएको हो ।
उक्त बोनस शेयर कम्पनीको मंसिर २६ गतेको १९औं वार्षिक साधारणसभाले पारित गरेको थियो । सोमवारदेखि कारोबारयोग्य हुने यो शेयर सम्बन्धित शेयरधनीहरुले आफ्नो हितग्राही खातामा जम्मा भएपछि खरिद विक्री गर्न सक्नेछन् ।
अपि पावर
अपि पावर कम्पनीको ५६ लाख ७० हजार कित्ता हकप्रद शेयर आइतवार सूचीकृत भएको छ । सोमवारदेखि कारोबार योग्य हुने यो शेयर सम्बन्धित शेयरधनीहरुले भने आफ्नो हितग्राही खातामा जम्मा भएपछि कारोबार गर्न सक्नेछन् ।
सानिमा माई हाइड्रोपावर
आइतबार सानिमा माई हाईड्रोपावर डेभलपमेण्ट कम्पनी लिमिटेडको बोनस शेयर नेप्सेमा सूचीकृत भएको छ । कम्पनीले २५ लाख ५३ हजार एक सय कित्ता शेयर नेप्सेमा सूचीकृत गराएको हो ।
© 2025 All right reserved to khabarcnter.com | Site By : Sobij
