२०८२ भाद्र ३ गते मंगलवार
२०८२ भाद्र ३ गते मंगलवार
फिफा विश्वकपको उपाधिका लागि आज अर्जेन्टिना र फ्रान्स भिड्न लागेका छन्। कतारको लुसैल रंगशालामा आज राति ८:४५ बजे अर्जेन्टिना र फ्रान्सबीच प्रतिस्पर्धा हुन लागेको हो। विश्वकपको फाइनल खेल हुन लागेको यो रंगशालामा ८८ हजार ९६६ दर्शक अटाउँछन्।
सेमिफाइनलमा क्रोएशियालाई पराजित गर्दै अर्जेन्टिना र मोरोक्कोलाई पराजित गर्दै फ्रान्स फाइनलमा पुगेका हुन्। अर्जेन्टिनाले क्रोएशियालाई ३-० गोल अन्तरले र फ्रान्सले मोरोक्कोलाई २-१ गोल अन्तरले पराजित गरेको थियो।
अर्जेन्टिना र फ्रान्स चौथो पटक विश्वकपमा भिड्न लागेका हुन्। यसअघि भएका तीन वटा प्रतिस्पर्धामा दुई वटा अर्जेन्टिनाले जितेको छ भने एउटा फ्रान्सले जितेको छ।
सन् २०१८ को विश्वकपको सेमिफाइनलमा फ्रान्सले अर्जेन्टिनालाई ४-३ गोल अन्तरले पराजित गरेको थियो। त्यसअघि सन् १९७८ र सन् १९३० मा समूह चरणमा अर्जेन्टिनाले फ्रान्सलाई पराजित गरेको थियो।
गएराति भएको खेलमा मोरोक्कोलाई पराजित गर्दै क्रोएशियाले तेस्रो स्थान हासिल गरेको छ। क्रोएशियाले मोरोक्कोलाई २–१ गोल अन्तरले पराजित गरेको हो।
© 2025 All right reserved to khabarcnter.com | Site By : Sobij
