२०८२ भाद्र २ गते सोमवार
२०८२ भाद्र २ गते सोमवार
पंकज नेम्वाङको नेतृत्वमा अखिल नेपाल फुटबल संघ (एन्फा) को नयाँ कार्यसमिति आएयताको दोस्रो कार्यसमिति बैठक बिहीबार एजेन्डामा प्रवेश नगर्दै स्थगित भएको छ । सातदोबाटोस्थिति एन्फा कम्प्लेक्समा बसेको बैठक ढिलो सुरु भएको थियो र त्यसको केही समयमै स्थगित भएको थियो ।
एन्फाको यस बैठकका लागि १८ एजेन्डा तय गरिएको थियो । पूर्व सूचना र एजेन्डासहित एन्फा कार्यसमितिको बैठक बसेको यो पहिलो पल्ट हो, तर यो पनि स्थगित भएको छ । यस अगाडि विना एजेन्डा बसेको पहिलो बैठकले गरेका केही निर्णय विवादमा परेपछि नेतृत्वको चर्को आलोचना सुरु भएको थियो ।
यसअगाडि अध्यक्ष नेम्वाङ बिरामी परेपछि पूर्व निर्धारित कार्यक्रम अनुसार यही बैठक पछाडि सारिएको थियो । बैठकमा सहभागी एक सदस्यका अनुसार पहिलो बैठकका निर्णय सच्चाउन माग उठेपछि बैठक स्थगित भएको हो । अध्यक्ष नेम्वाङले त्यस स्थितिमा बैठक स्थगित भएको बताएर हिँडेका हुन् ।
© 2025 All right reserved to khabarcnter.com | Site By : Sobij
