२०८२ भाद्र २ गते सोमवार
२०८२ भाद्र २ गते सोमवार
उपमेयर कप राष्ट्रिय महिला लिग छनोट प्रतियोगिताको खेल तालिका सार्वजनिक भएको छ । अखिल नेपाल फुटबल संघ (एन्फा)ले कात्तिक ४ देखि सुरु हुने प्रतियोगिताको खेल तालिका सार्वजनिक गरेको हो ।
प्रतियोगितामा ३१ टोलीले प्रतिस्पर्धा गर्नेछन् । जसलाई १० समूहमा विभाजन गरिएको छ । लिग कम नकआउटका आधारमा हुने प्रतियोगिताका सम्पूर्ण खेल सातादोबाटोस्थित एन्फा कम्प्लेक्समा हुनेछ । छनोटको फाइनल पुग्ने टोलीले महिला राष्ट्रिय लिगमा स्थान बनाउने छन् ।
प्रतियोगिताको विजेताले ५ लाख, उपविजेताले ३ लाख र फेयर प्ले टिमले ५० हजार पाउने छन् । सर्वोकृष्ट खेलाडीले ५० हजार र विधागततर्फ उत्कृष्ट हुनेले समान २०/२० हजार पाउने छन् । प्रतियोगितामा हरेक दिन ३ खेल हुनेछ ।
छनोटको पहिलो दिन कात्तिक ४ गते हुने उद्घाटन खेलमा महालक्ष्मी नगरपालिका र बागमती नगरपालिकाले प्रतिस्पर्धा गर्नेछन् ।
सोही दिन हुने दोस्रो खेल कन्काई नगरपालिका र गोदावरी नगरपालिकाबीच हुनेछ । तेस्रो खेलमा कालिका नगरपालिकाले ललितपुर महानगरपालिकाको सामना गर्नेछ ।
© 2025 All right reserved to khabarcnter.com | Site By : Sobij
