२०८२ भाद्र २ गते सोमवार
२०८२ भाद्र २ गते सोमवार
पोखरा राइनोज चौथो संस्करणको एभरेस्ट प्रिमियर लिग (इपिएल)को फाइनलमा पुगेको छ । आज दोस्रो क्वालिफायर खेलमा भैरहवा ग्लाडियर्ससलाई ७ विकेटले हराउँदै पोखरा फाइनलमा पुगेको हो ।
भैरहवाले दिएको १२० रनको लक्ष्य पोखराले १८।२ ओभरमा ३ विकेटको क्षतिमा पूरा गर्यो । पोखराको जितमा साहन अर्चिङ्गेले अविजित ५३ र विपिन रावलले नटआउट ४० रनको योगदान दिए । प्रमुख ब्याट्सम्यान रिचर्ड लेभी १४ रनमा आउट हुँदा ऋत गौतम ९६० र लोकेश बम ९०० भने दोहोरो अंकमा समेत रन जोड्न सकेनन् ।
बलिङमा स्पिनर भुवन कार्कीले उत्कृष्ट रन आउट गराउँदै भैरहवालाई महत्वपूर्ण सफलता दिलाए । ननस्ट्राइकका लेभी रन लिने क्रममा केही अघि बढेको समयमा भुवनले उत्कृष्ट रन आउट गराएका थिए । भुवनले भैरहवाको २ विकेट लिए ।
त्यसअघि त्रिवि क्रिकेट मैदानमा टस हारेर ब्याटिङको मौका पाएको भैरहवाले निर्धारित २० ओभरमा ६ विकेट गुमाएर ११९ रन बनायो ।
उसका लागि कप्तान शरद भेषवाकरले ३३ बलमा सर्वाधिक अविजित ३२ रन बनाए । आरिफ शेखले २४ बलमा एक छक्का र एक चौकाको सहयोगमा २७ रनको योगदान दिए ।
त्यस्तै, रोहितकुमार पौडेलले १६, उपुल थरंगाले ११ र प्रदीप ऐरीले १० रन बनाए । बाँकी ब्याट्सम्यानले भने दोहोरो अंकमा समेत रन जोड्न सकेनन् ।
बलिङमा साहन अरजिङ्गे र किशोर महतोले सर्वाधिक २र२ विकेट लिए । उपाधिका लागि पोखराले अब चितवन टाइगर्सको सामना गर्नेछ । यी दुई टोलीबीचको फाइनल म्याच शनिबार हुनेछ ।
© 2025 All right reserved to khabarcnter.com | Site By : Sobij
