२०८२ भाद्र २ गते सोमवार
२०८२ भाद्र २ गते सोमवार
आफू निकट नेताहरु सभापति शेरबहादुर देउवा र इत्तर समूहमा विभाजित भएपछि सिटौलामा संकटमा परेका नेता कृष्णप्रसाद सिटौलाले आफ्नो समूहको बैठक राखेका छन् । कांग्रेस महाधिवेशन नजिकिँदै गर्दा महाधिवेशन केन्द्रित छलफल र भेटघाटले तिव्रता पाएका छन् ।
सभापतिका प्रत्यासीहरुबीच भेटघाट बढिरहेका छन् भने नेताहरुले आफ्नो समूहलाई विस्तारित गर्दै थप शक्ति आर्जन गर्ने प्रयास पनि जारी राखेका छन् ।
काठमाडौंको बत्तिसपुतलीस्थित अनुपम फूडल्यान्डमा राखेको बैठकमा केन्द्रीय समिति, जिल्ला कार्यसमितिका तथा भ्रातृ तथा शुभेच्छुक संस्थाका प्रतिनिधिलाईसमेत सहभागी गराउन लागेका छन् ।
महाधिवेशनमा समूहगत उपस्थितिसहित प्यानलमा उमेदवारी दिने वा कुनै समूहमा भाग लिएर सहभागी हुने भन्ने विषयमा छलफल हुने सिटौला समूहमा आवद्ध एक कांग्रेस केन्द्रीय सदस्यले बताए ।
नेपाली काँग्रेसको १३ औं महाधिवेशनपछि पूर्व महामन्त्री कृष्णप्रसाद सिटौलाको नेतृत्वमा पार्टीभित्र छुट्टै समूह विकास भएको छ अहिलेसम्म काँग्रेसभित्र तेस्रो धारका रुपमा परिचय बनाएको सिटौला समूह १४ औं महाधिवेशनसम्म समूहकै रुपमा कायम रहनेमा आशंका उत्पन्न हुन थालेको छ ।
© 2025 All right reserved to khabarcnter.com | Site By : Sobij
