२०८२ पौष ४ गते शुक्रवार
२०८२ पौष ४ गते शुक्रवार
संयुक्त राज्य अमेरिकामा बिहीबार १२ तले भवन भत्किँदा त्यसभित्र रहेका ९९ जना सम्पर्कविहीन भएका छन् ।
बीबीसीका अनुसार भवनले चेपेर एक जनाको मृत्यु पुष्टि भएको छ भने ९९ मानिस क्षतिग्रस्त भवनले पुरिएको आशंका गरिएको छ । त्यसमा ल्याटिन अमेरिकी आप्रवासी पनि धेरै जना परेका छन् ।
मायामीका मेयरले उद्धारका लागि केन्द्रीय सरकारसँग सहयोग मागेका छन् । मायामी डेडकी मेयर डेनीयला लेभिन काभाले हालसम्म १ सय २ जनाको अवस्था पत्ता लागेको र ९९ जना अझै बेपत्ता रहेको जानकारी दिइन् ।
फ्लोरिडाका गर्भनरले घटनास्थलमा पुगेर उद्धारको काम अझै जारी रहेको र त्यति ठूलो संरचना ढलेको देख्नु पीडादायी रहेको बताए ।
फ्लोरिडाका गर्भनरले घटनास्थलमा पुगेर उद्धारको काम अझै जारी रहेको र त्यति ठूलो संरचना ढलेको देख्नु पीडादायी रहेको बताए ।
राष्ट्रपति बाइडनले गभर्नर रोन डिसान्टिसबाट संकटकाल घोषणा आफूले कुरिरहेको र फिमा भनिने संघीय आपतकालीन व्यवस्थापन निकायका अधिकारीहरू घटनास्थलमा पुगेको जानकारी दिएका छन् ।
स्थानीयले विस्फोटजस्तो आवाज आएको सुनिएको बताए पनि भवन ढल्नाको कारण थाहा हुन सकेको छैन ।
© 2025 All right reserved to khabarcnter.com | Site By : Sobij
