बढ्यो गहुँको मूल्य

कार्तिक १९, २०८३ बिहिवार

435

काठमाडौं । बैशाखमा प्रतिकिलो ४२ रुपैयाँ रहेको गहुँको मूल्य बढेर ५० रुपैयाँ पुगेको छ । भारतमा मूल्यवृद्धि भएपछि नेपालमा पनि गहुँको मूल्य प्रतिकिलो ८ रुपैयाँले बढेको मैदा मिल सञ्चालकहरूले बताएका छन् ।

गहुँको मूल्य बढेसँगै गहुँलाई कच्चा पदार्थका रूपमा प्रयोग गर्ने उद्योग सञ्चालनमा कठिनाइ भइरहेको नेपाल फ्लोर मिल एसोसिएसनले जनाएको छ ।

भारत सरकारले आफूसँग मौज्दात रहेको गहुँ बिक्रीका लागि खुला नगरेसम्म मूल्य नघट्ने एसोसिएसनका उपाध्यक्ष विकास बेगवानीले बताए ।

भारत सरकारले करिब दुई महिनाअघि अर्थात् २४ अगस्ट २०२६ देखि गहुँको कोटा हटाएकाले आयातमा भने समस्या नरहेको एसोसिएसनले जनाएको छ ।

प्रकाशित मिति :कार्तिक १९ २०८३ बिहिवार - १४:४०:०७ बजे

प्रतिक्रिया