२०८२ भाद्र २३ गते सोमवार
२०८२ भाद्र २३ गते सोमवार
काठमाडौं। प्रभु बैंकले गत आर्थिक वर्ष २०७६/७७ को मुनाफाबाट १०.५२% लाभांश घोषणा गरेको छ ।
बैंक सञ्चालक समितिले १०% बोनस शेयर र बोनस शेयरमा लाग्ने कर प्रयोजनका लागि ०.५२% नगद लाभांश घोषणा गरेको हो।
बैंकले एक अर्ब तीन करोड रुपैयाँ बोनस शेयर दिने प्रस्ताव गरेको छ । उक्त प्रस्ताव नेपाल राष्ट्र बैंकबाट स्वीकृत भएपछि बैंकले वार्षिक साधारणसभा बोलाउन सक्ने छ। साधारणसभाले परित गरेसँगै शेयरधनीहरुले उक्त लाभांश प्राप्त गर्न सक्ने छन् ।
बैंकले अघिल्लो आर्थिक वर्षमा १६% बोनस शेयर दिएको थियो। दोस्रो बजारमा बैंकको शेयर मूल्य ३४२ रुपैयाँ रहेको छ । हाल बैंकको चुक्ता पुँजी १० अर्ब ३१ करोड रुपैयाँ रहेको छ । बोनस शेयर वितरणपछि बैंकको चुक्ता पुँजी ११ अर्ब ३४ करोड रुपैयाँ पुग्ने छ ।
© 2025 All right reserved to khabarcnter.com | Site By : Sobij
