२०८२ चैत्र २४ गते मंगलवार
२०८२ चैत्र २४ गते मंगलवार
काठमाडौं । साताको तेस्रो कारोबारको दिन मंगलबार शेयर बजार सामान्य घटेर बन्द भएको छ । आज नेप्से परिसूचक २.६१ अंकले घटेर २,७५७ को विन्दुमा कायम भएको छ ।
आज ८२ कम्पनीको शेयर मूल्य बढेको छ भने १७५ कम्पनीको शेयर मूल्य घटेको छ । आज दिनभरिमा ३४५ कम्पनीको १ करोड ७४ लाख ६ हजार कित्ता शेयर किनबेच हुँदा ६ अर्ब ७३ करोडको शेयर कारोबार भएको छ ।
अधिकांश समूहका सूचक घटेको छ । होटल तथा पर्यटन समूह सबैभन्दा धेरै १.०८ प्रतिशत बढेको छ । त्यस्तै व्यापार सबैभन्दा धेरै १.८८ प्रतिशत घटेको छ ।
हाइड्रोपावर ०.१५, अन्य ०.७१ तथा बैंकिङ ०.०४ प्रतिशत बढेको छ । निर्जीवन बीमा ०.३३, माइक्रोफाइनान्स ०.१९, उत्पादन तथा प्रशोधन ०.०५, जीवन बीमा ०.४५, विकास बैंक ०.६२, फाइनान्स ०.४१ तथा लगानी ०.४६ प्रतिशत घटेको छ ।
६ कम्पनीको मूल्य १० प्रतिशत बढेको छ । १० प्रतिशत बढेका कम्पनीमा भुजुङ हाइड्रोपावर, सुपरखुदी हाइड्रोपावर, स्वेतगंगा हाइड्रोपावर, रिजलाइन इनर्जी, सूर्यकुन्ड हाइड्रो इलेक्ट्रिक र होटल फरेस्ट इन छन् । त्रिशुली जलविद्युतको ८.६३ प्रतिशत मूल्य बढेको छ ।
आज सबैभन्दा धेरै ङादी ग्रुप पावर कम्पनीको २४ करोड २२ लाख रुपैयाँको शेयर कारोबार भएको छ भने रिलायन्स स्पीनिङ मिल्सको २४ करोड २१ लाख रुपैयाँको शेयर कारोबार भएको छ । आँखुखोला जलविद्युतको २३ करोड ५७ लाख रुपैयाँको शेयर कारोबार भएको छ ।
© 2026 All right reserved to khabarcnter.com | Site By : Sobij
