२०८२ भाद्र ९ गते सोमवार
२०८२ भाद्र ९ गते सोमवार
टाटा स्टील कम्पनीले भारतमा कोरोनाका कारण मृत्यु भएका आफ्ना कर्मचारीको मासिक तलब परिवारजनलाई निरन्तर प्रदान गर्ने घोषणा गरेको छ ।
निधन भएका कर्मचारीको उमेर ६० वर्ष नहुँदासम्म उनको आश्रित परिवारका सदस्यलाई नियमित रुपमा तलब, घर तथा स्वास्थ्य सुविधा प्रदान गर्ने टाटा कम्पनीले जनाएको छ ।
कोरोनाका कारण मृत्यु भएका कर्मचारीका सन्तानको स्नातकसम्मको अध्ययन खर्च पनि बेहोर्ने कम्पनीले जनाएको छ । टाटा कम्पनीको यो घोषणाको सामाजिक सञ्जालमा धेरैले प्रशंसा गरेका छन् ।
यसअघि ओयो रुम्सले कोरोनाका कारण मृत्यु भएका आफ्ना कर्मचारीका परिवारलाई ८ महिनाको तलब र पाँच वर्षसम्म उनीहरुका सन्तानको शिक्षा खर्च बेहोर्ने बताएको थियो ।
यस्तै सिसाको गिलास बनाउने कम्पनी बोरोसिलले पनि कोरोनाका कारण मृत्यु भएका आफ्ना कर्मचारीका आश्रित परिवारलाई दुई वर्षसम्म तलब दिने घोषणा यसअघि नै गरेको थियो ।
© 2025 All right reserved to khabarcnter.com | Site By : Sobij
