२०८२ चैत्र १२ गते बिहिवार
२०८२ चैत्र १२ गते बिहिवार
काठमाडौं । चलचित्र ‘बेहुली’ निर्माण हुने भएको छ । बिहीबार ललितपुरस्थित कार्यविनायक मन्दिरमा चलचित्रको शुभ-मुहूर्त गरिएको छ । ‘द डिभाइन म्युजिक’ र ‘सम्मान इन्टरटेन्मेन्ट’को प्रस्तुतिमा निर्माण हुन लागेको आगामी वर्षको हरितालिका तीजबाट प्रदर्शनमा आउनेछ ।
चलचित्रका निर्माता सङ्गीतकार अर्जुन पोखरेल हुन् । पोखरेलका अनुसार यसै साताबाट चलचित्रको छायाङ्कन सुरु हुनेछ । लामो समयदेखि नेपाली सुगम सङ्गीत तथा चलचित्र सङ्गीतमा सक्रिय पोखरेल यसै चलचित्र मार्फत निर्माताका रूपमा उदाएका हुन् ।
सशान कँडेलले निर्देशन गर्न चलचित्रको कथा माधव शर्माले लेखेका हुन् । चलचित्रमा दिव्या रायमाझी, पारस बम ठकुरी (कुलब्वाय),सुशान्त कार्की, पदम तामाङ, सन्तोष बानिया, सरिता गिरी, लोकेन्द्र लेखक, सबिन कट्टेल र समायरा थापा मगर लगायतको अभिनय रहने छ ।
चलचित्र काठमाडौं उपत्यकाभित्र काफिया फिल्मस् र उपत्यकाबाहिर श्री व्यंकटेश इन्टरटेन्मेन्टले वितरण गर्नेछन् भने डिजिटल अधिकार ओएसआर डिजिटलले लिएको छ ।
© 2026 All right reserved to khabarcnter.com | Site By : Sobij
