२०८२ माघ १४ गते बुधवार
२०८२ माघ १४ गते बुधवार
काठमाडौं। तीन विपक्षी दलका नेताहरुले बहुमतीय सरकारको दावी नगरेर ठीक गरिएको निष्कर्ष निकालेका छन् ।
बूढानीलकण्ठस्थित कांग्रेस सभापति शेरबहादुर देउवाको निवासमा भएको प्रमुख प्रतिपक्षी नेपाली कांग्रेस, माओवादी केन्द्र र जनता समाजवादी पार्टी यादव समूहले बहुमतीय सरकारमा दावी गर्न नसकेका बारेमा समीक्षा गर्दै यस्तो निष्कर्ष निकालेका हुन् ।
छलफलमा कांग्रेस सभापति देउवा, माओवादी केन्द्रका अध्यक्ष पुष्पकमल दाहाल, जसपाका अध्यक्ष उपेन्द्र यादवलगायतका नेताको उपस्थिति थिए ।
माओवादी केन्द्रका प्रवक्ता नारायणकाजी श्रेष्ठका अनुसार जसपाको पूरै समर्थन नभएका बेलामा सरकारको दाबी पेश नगर्नु उचित नै भएको निष्कर्ष निकालिएको हो ।
बैठकले अब केपी ओलीले के गर्छन् चुनावको दिशातिर जान्छन् कि, महन्थहरूलाई हात लिएर विश्वासको मत लिन्छन्, त्यो हेरेर थप रणनीति तय गर्ने सहमति बनेको श्रेष्ठको भनाइ थियो ।
छलफलमा कांग्रेसबाट सभापति देउवा, वरिष्ठ नेता रामचन्द्र पौडेल, महामन्त्री पूर्णबहादुर खड्का, पूर्वमहामन्त्री कृष्ण सिटौला, प्रमुख सचेतक बालकृष्ण खाँड हुनुहुन्थ्यो । माओवादी केन्द्रबाट अध्यक्ष दाहाल, प्रवक्ता श्रेष्ठ, कृष्णबहादुर महरा, पम्फा भुसाल, ओनसरी घर्ती हुनुहुन्थ्यो ।
© 2026 All right reserved to khabarcnter.com | Site By : Sobij
