२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । साताको पहिलो कारोबारको आइतबार दिन शेयर बजार अंकले घटेर बन्द भएको छ । आज नेप्से परिसूचक २६.५१ अंकले घटेर २,६४९ को विन्दुमा कायम भएको छ ।
आज ४५ कम्पनीको शेयर मूल्य बढेको छ भने २११ कम्पनीको शेयर मूल्य घटेको छ । आज दिनभरिमा ३४२ कम्पनीको १ करोड ५७ लाख ३६ हजार ३७२ कित्ता शेयर किनबेच हुँदा ७ अर्ब ८ करोडको शेयर कारोबार भएको छ ।
बैंकिङ १.०८, विकास बैंक १.०९, फाइनान्स ०.८३, होटल तथा पर्यटन ०.२९, हाइड्रोपावर १.३१, लगानी १.४८, जीवन बीमा १.२० प्रतिशत घटेको छ । त्यसैगरी माइक्रोफाइनान्स १.३०, निर्जीवन बीमा ०.६९, अन्य १.०४ र व्यापार ०.५१ प्रतिशत घटेको छ ।
चार कम्पनीको मूल्य १० प्रतिशत बढेको छ । १० प्रतिशत बढेका कम्पनीमा सागर डिस्टिलरी, स्वस्तिक लघुवित्त, झापा इनर्जी र श्रीनगर एग्रिटेक छन् ।
आज सबैभन्दा धेरै हिमालयन रिइन्स्योरेन्स कम्पनीको २३ करोड ५ लाख रुपैयाँको शेयर कारोबार भएको छ भने ग्रिन भेञ्चरको २१ करोड ३५ लाख रुपैयाँको शेयर कारोबार भएको छ ।
© 2025 All right reserved to khabarcnter.com | Site By : Sobij
