२०८२ भाद्र २ गते सोमवार
२०८२ भाद्र २ गते सोमवार
काठमाडौं । प्रतिनिधिसभाको विशेष अधिवेशनमा पार्टीले निर्वाह गर्ने भूमिकाबारे छलफल गर्न नेपाली कांग्रेसका पदाधिका आज बस्दै रीहरूको बैठक आज बस्दैछ ।
सभापति शेरबहादुर देउवा निवास बूढानीलकण्ठमा २ बजेपछि बस्ने बैठकमा वैशाख २७ को संसद बैठकबाट प्रधानमन्त्रीले विश्वासको मत लिन लागेको अवस्थामा कांग्रेसले लिनुपर्ने रणनीतिबारे छलफल हुनेछ ।
कांग्रेसले यसअघि नै प्रधानमन्त्री केपी शर्मा ओलीले राजीनामा दिनुपर्ने तथा आफ्नै नेतृत्वमा सरकार बनाउने अग्रसरता लिइसकेको छ ।
प्रधानमन्त्री ओलीको विपक्षमा बहुमत निश्चित हुनासाथ अविश्वासको प्रस्ताव दर्ता गर्ने कांग्रेसको तयारी थियो । यद्यपि कांग्रेसले नयाँ सरकार गठनको औपचारिक कदम चाल्नुअघि नै प्रधानमन्त्री ओलीले विश्वासको मत लिन संसदको विशेष अधिवेशन बोलाएका छन् ।
पुस २७ गते बस्ने प्रतिनिधिसभाको बैठकमा विश्वासको मतसम्बन्धी प्रस्ताव उपर छलफल र मतविभाजन हुनेछ । कांग्रेसले विश्वासको मतसम्बन्धी प्रस्ताव असफल पार्न पहल गर्ने निर्णय आजको बैठकबाट लिने बताइएको छ ।
कोरोनाका कारण क्रियाशील सदस्यताको काम प्रभावित भएको भन्दै महाधिवेशन कार्यतालिकालाई आंशिक संशोधन गर्नेबारे पनि आज छलफल हुनसक्ने जनाइएको छ ।
यसअघि सोमबार बस्ने भनिएको कांग्रेस पदाधिकारी बैठक वरिष्ठ नेता रामचन्द्र पौडेल अस्वस्थ भएपछि स्थगित गरिएको थियो ।
© 2025 All right reserved to khabarcnter.com | Site By : Sobij
