२०८२ भाद्र १४ गते शनिवार
२०८२ भाद्र १४ गते शनिवार
काठमाडौँ । प्रधानमन्त्रीको सरकारी निवास बालुवाटारमा मन्त्रिपरिषद् बैठक बसेको छ ।
सोमबार साँझ बालुवाटारमा मन्त्रिपरिषद् बैठक बसेको हो । यो मन्त्रिपरिषद्को नियमित बैठक हो ।
आजको बैठकमा सरकारका कामकारबाहीमा छलफल हुनेछ । यस्तै बैठकमा राष्ट्रिय सहकारी नियमन प्राधिकरणमा अध्यक्ष नियुक्त लगायत निर्णय हुन सक्ने बताइएको छ ।
सरकारले राष्ट्रिय सहकारी नियमन प्राधिकरणको जिम्मा एमाले सहकारी विभागका सदस्यलाई दिने करिब निश्चित भएको छ ।
प्राधिकरण अध्यक्ष नियुक्तिका लागि गठित सिफारिस समितिले नै एमाले सहकारी विभाग सदस्य सहित तीन जनाको नाम सिफारिस गरेको हो ।
सिफारिस समितिले भूमि व्यवस्था, सहकारी तथा गरिबी निवारण मन्त्रालयका पूर्वसचिव अर्जुनप्रसाद पोखरेल, नेपाल राष्ट्र बैंकका पूर्वकार्यकारी निर्देशक नारायण पौडेल र नेकपा एमाले सहकारी विभाग सदस्य डा. खगराज शर्माको नाम सिफारिस गरेको स्रोतले बतायो ।
स्रोतका अनुसार आज सोमबार बस्ने मन्त्रिपरिषद् बैठकले प्राधिकरण अध्यक्ष नियुक्त नगर्ने लगभग निश्चित भएको छ । मन्त्रिपरिषद्को आगामी बैठकले शर्मालाई नियुक्त गर्ने उच्च सम्भावना छ ।
शर्मा सहकारी विकास बोर्डको सदस्यसचिव भइसकेका छन् । सिफारिस समितिले छनोट गरेको तीन जनाभित्र पर्दा पनि उनले पार्टीको जिम्मेवारीबाट राजीनामा दिएका छैनन् ।
सिफारिस समितिले पनि राजनीतिक दलको जिम्मेवारीमा रहेको व्यक्तिलाई जनाजानी सिफारिस गरेको छ । राजनीतिक पार्टीको जिम्मेवारीमा भएको व्यक्ति प्रधिकरण अध्यक्ष बन्न मिल्ने देखिँदैन ।
© 2025 All right reserved to khabarcnter.com | Site By : Sobij
