रास्वपाको महामन्त्रीकै रूपमा काम गर्न पाउँ भन्दै मुकुल ढकालले दायर गरेको रिटमाथि सर्वोच्चमा आज सुनुवाइ हुने

खबरसेन्टर

1.3K

रास्वपाको महामन्त्रीकै रूपमा काम गर्न पाउँ भन्दै मुकुल ढकालले दायर गरेको रिटमाथि सर्वोच्चमा आज सुनुवाइ हुने

काठमाडौं । डा. मुकुल ढकालले राष्ट्रिय स्वतन्त्र पार्टीको महामन्त्रीकै रूपमा काम गर्न पाउँ भन्दै दायर गरेको रिटमाथि आज सर्वोच्च अदालतमा सुनुवाइ हुने भएको छ । न्यायाधीश कुमार रेग्मीको इजलासमा सुनुवाइका लागि पेसी तोकिएको छ ।

ढकालले आफू नै राष्ट्रिय स्वतन्त्र पार्टीको महामन्त्री रहेको दाबी गर्दै सोही हैसियतमा काम गर्न पाउँभन्दै रिट निवेदनमा परमादेश, उत्प्रेषणसहितको आदेश माग गरेका छन् ।

रिट निवेदनमा राष्ट्रिय स्वतन्त्र पार्टीको केन्द्रीय कार्यालयसहित महामन्त्री कविन्द्र बुर्लाकोटी, प्रवक्ता मनिष झा, स्वतन्त्र पार्टीका सभापति रवि लामिछाने लगायतलाई विपक्षी बनाउँदै रिट दायर गरेका छन् ।

बुधबार दायर भएको रिटमाथि सर्वोच्च अदालतले आज प्रारम्भिक सुनुवाइ गर्न लागेको छ ।

प्रकाशित मिति :आषाढ १२ २०८२ बिहिवार - ११:१८:२० बजे

प्रतिक्रिया