२०८२ भाद्र २ गते सोमवार
२०८२ भाद्र २ गते सोमवार
काठमाडौं । केपी ओलीले मारी गए नछोड्ने बुझे पछि नेकपा एमालेको नेता माधवकुमार नेपाल पक्षका सांसदहरु पार्टी अध्यक्ष केपी शर्मा ओलीबाट सोधिएको स्पष्टिकरणबारे छलफलमा जुटेका छन् ।
स्पष्टिकरणको जवाफ तय गर्न नेता नेपाल र झलनाथ खनाल पक्षका सांसदहरु बुद्धनगरस्थित नेतृ सहाना प्रधान प्रतिष्ठानमा छलफलमा जुटेका हुन् ।
सांसद पुष्पा कर्ण कायस्तले आफूहरु स्पष्टिकरणबारे छलफल गर्न भेला भएको बताएकी छन् ।
प्रधानमन्त्री समेत रहेका अध्यक्ष ओलीले सोधेको स्पष्टिकरणको जवाफ दिन उनीहरुका लागि बिहीबार मध्याहन्नसम्मको समय छ ।
स्पष्टिकरणको जवाफ चित्त नबुझे ओलीले उनीहरुलाई पार्टी सदस्य र सांसद पदबाट निष्काशन गर्न सक्ने छन् ।
ओलीले संघ र प्रदेशका गरि नेता नेपाल र खनाल पक्षका ३२ जना सांसदलाई विधानविपरीत पार्टी र सरकारविरुद्ध उत्रिएको र छुट्टै पार्टी गठनमा लागेको आरोपसहित स्पष्टिकरण सोधेका छन् ।
ओली र नेपालबिच बुधबार वार्ता भएको थियो, तर सहमति बनेको थिएन । फेरी आज पनि छलफल गर्ने भनिएपनि त्यसको टुंगो भने लागिसकेको छैन।
© 2025 All right reserved to khabarcnter.com | Site By : Sobij
