२०८२ भाद्र ३ गते मंगलवार
२०८२ भाद्र ३ गते मंगलवार
सत्तारुढ दल नेपाल कम्युनिस्ट पार्टी (नेकपा) का वरिष्ठ नेता झलनाथ खनालले पार्टीमा वैचारिक लडाइँ भए पनि पार्टी नफुट्ने दाबी गरेका छन् ।
सोमबार इलामको माई नगरपालिकामा १५ शय्याको अस्पताल शिलान्यास गर्दै नेकपाका सचिवालय सदस्य समेत रहेका नेता खनालले केही साथीहरुले बाटो बिराएको भए पनि मूलधारमा फर्कन आग्रह गरे ।
‘नेकपा फुट्छ र खान पाइन्छ भन्नेहरु रोटी बेल्न थालेका छन,’ खनालले भने, ‘तर त्यो सपना कुनै हालतमा पूरा हुँदैन ।’ नेता खनालले मंगलबार बस्ने पार्टी सचिवालयको बैठकले केही ठोस निर्णय गर्ने बताए ।
सरकारले थालेको अभियान अनुसार इलामको माई नगरपालिका र सूर्योदय नगरपालिकामा बन्ने १५ शय्याको अस्पतालको शिलान्यास नेता खनालले गरेका हुन् । खनालले सन्दकपुर गाउँपालिकामा बन्ने अस्पतालको टेलिफोनबाटै शिलान्यास गरेका थिए ।
© 2025 All right reserved to khabarcnter.com | Site By : Sobij
