२०८२ आश्विन २७ गते सोमवार
२०८२ आश्विन २७ गते सोमवार
काठमाडौं । प्रधानमन्त्री केपी शर्मा ओलीले कोभिड(१९ को संक्रमण बढ्दै गएकाले स्वास्थ्य सावधानी अपनाउन आग्रह गरेका छन् । बिहीबार काठमाडौंमा आयोजित एक कार्यक्रममा प्रधानमन्त्री अोलीले सावधानी नअपनाए जनजीवन ठप्प पार्नुपर्ने अवस्था आउनसक्ने बताए ।
उनले मास्क लगाउन, हात धुन, घरबाहिर खाना नखान र बेसार पानी खान आग्रह पनि गरे । "हाम्रो जनजीवनलाई ठप्प पनि नगर्ने । सावधान भएनौं भने ठप्प गर्नुपर्ने स्थिति आउनसक्छ," उनले भने ।
उनले कोभिड-१९ ले अन्य मूलुकमा जस्तो नेपालमा धक्का नपरेको दाबी पनि गरे ।
अर्को प्रसंगमा उनले नेतृत्व सत्यको मार्ग, देश र जनताको स्वार्थको मार्ग र इमान भएमा मात्रै देश बन्ने बताए । ओलीले आफू सत्यसँग नलड्ने, शक्तिसँग नझुक्ने सूत्रमा रहेको दाबी गरे ।
ओलीले यसरी भाषण गरेकै समयमा कांग्रेस सांसद गगन थापाले संसदमा उनै ओलीको उछितो काडीरहेका थिए। संसदको बिहीबारको बैठकमा नेपाली कांग्रेसका सांसद गगनकुमार थापाले संसदमा बहसमा आउन प्रधानमन्त्रीलाई निम्तो दिएका छन् ।
बैठकमा उनले सरकार बनेको तीन वर्षमा केके काम भए भन्ने बहस गर्न आफूहरु तयार रहेको बताउँदै तथ्य र तथ्यांकमा टेकेर बहस गर्न प्रधानमन्त्रीलाई संसदमा निम्तो दिएका हुन् ।
© 2025 All right reserved to khabarcnter.com | Site By : Sobij
