२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । कांग्रेस–एमाले सत्ता गठबन्धनको ४७ दिन पश्चात् देउवा र प्रचण्ड एउटै मञ्चका अतिथि हुने भएका छन् ।
कांग्रेसका पूर्वनेता एवं समाजवादी चिन्तक प्रदीप गिरीको दोस्रो स्मृति दिवसको कार्यक्रममा सभापति शेरबहादुर देउवा र माओवादी अध्यक्ष पुष्पकमल दाहाल ‘प्रचण्ड’ एउटै मञ्चका अतिथि हुने भएका हुन् ।
उनीहरूलाई स्कुल अफ डेमोक्रसीले एउटै मञ्चमा ल्याउन लागेको हो । देउवा, प्रचण्ड र नेकपा (एकीकृत समाजवादी)का अध्यक्ष माधवकुमार नेपाल पनि आज (मंगलबार) एउटै मञ्चमा देखिँदैछन् ।
यो पनि पढ्नुहोस् :
देउवा र प्रचण्डबीच संसद्को फ्लोरमा जम्काभेट : दुवैले आपसमा हेर्नसम्म चाहेनन्, तर्किएर हिँडे
कार्यक्रम आज दिउँसो १ बजे बत्तिसपुतलीस्थित अनुपम फुडल्याण्डमा आयोजना हुँदैछ । कार्यक्रममा प्रमुख अतिथि देउवा सहभागी हुने छन् भने विशिष्ट अतिथि प्रचण्ड, नेपाल, नेकपा (एमाले)का महासचिव शंकर पोखरेल, कांग्रेसका नेता डा.शेखर कोइराला र लोसपाका सभापति महन्थ ठाकुरलाई बोलाइएको छ ।
देउवा, प्रचण्ड र माधव नेपाल एमाले–माओवादी सत्ता गठबन्धन फेरबदल भई कांग्रेस–एमालेबीच सत्ता सहकार्य पश्चात् पहिलो पटक एउटै सार्वजनिक मञ्चमा देखिँदैछन् ।
देउवा–ओली मिलेर संयुक्त सरकार गठन गरे पश्चात् देउवा र प्रचण्डले हालसम्म टेलिफोन संवादसमेत नगरेको स्रोत बताउँछ । तथापि आज एउटै मञ्चबाट उनीहरूले संयुक्त रूपमा सम्बोधन गर्दैछन् ।
© 2025 All right reserved to khabarcnter.com | Site By : Sobij
