२०८२ भाद्र २ गते सोमवार
२०८२ भाद्र २ गते सोमवार
एमालेका बरिष्ठ नेता माधव नेपाल र उपाध्यक्ष भीम रावललाई ६ महिना निलम्बन गरेको तीन दिन नबित्दै नेकपा एमालेले नेताद्वय सुरेन्द्र पाण्डे र घनश्याम भुषाललाई पनि ६ महिनाको लागि पार्टीबाट निलम्बन गरेको छ ।
नेताद्वयले दिएको स्पष्टीकरण चित्तबुझ्दो नभएको भन्दै कारबाहीको निर्णय पार्टीले लिएको हो । एमालेको केन्द्रीय समितिले चार नेतामाथि स्पष्टीकरण सोधेको थियो ।
पहिलोपटक सोधिएको स्पष्टीकरणमा पाण्डे र भुषालले जवाफ दिएका थिएनन् । श्रोतका अनुसार माधव नेपालको असली कारिन्दा भएको भन्दै ओलीले पाण्डे र भुसाललाई कारबाही गरेका हुन्। माधव नेपालले आजै पोखरा पुगेर समानान्तर जिल्ला कमिटी घोषणा गरेका छन्।
फेरि उनीहरूमाथि दोस्रोपटक स्पष्टीकरण सोधिएको थियो । त्यसको जवाफ उनीहरूले दिएका थिए । तर, स्पष्टीकरण चित्तबुझ्दो नभएको र सुध्रिने लक्षण नदेखिएको एमालेले ठहर गरेको छ ।
अहिलेकै गतिविधि जारी रहेको खण्डमा थप कडा कारवाही हुन सक्ने अध्यक्ष केपी शर्मा ओलीले जनाएका छन् । ओली माधव नेपाल र भीम रावललाई पार्टीको साधारण सदस्य बाट हटाउने अन्तिम तयारीमा छन्।
© 2025 All right reserved to khabarcnter.com | Site By : Sobij
