२०८२ भाद्र २ गते सोमवार
२०८२ भाद्र २ गते सोमवार
काठमाडौं । प्रतिनिधिसभाको बैठक आज (बुधबार) बस्दैछ । बैठक दिउँसो १ बजे बस्न लागेको हो ।
बैठकमा नेपाली कांग्रेसका केन्द्रीय सदस्य तथा पूर्वमन्त्री नवीन्द्रराज जोशीको निधनमा शोक प्रस्ताव पेश गरिने छ । यस्तै कांग्रेसबाट तत्कालीन संविधान सभामा सांसद रहेकी लक्ष्मीदेवी भण्डारीको निधन भएकोमा पनि शोक प्रस्ताव पेश गर्ने कार्यसूची रहेको छ ।
सरकारले बिजनेश नदिएपछि संसद बैठक औपचारिकतामै सीमित हुँदै आएको छ । प्रधानमन्त्री केपी शर्मा ओलीलाई केही दिनअघि सभामुख अग्निप्रसाद सापकोटाले भेटेर संसद सुचारु गर्ने सम्बन्धमा छलफल गरे पनि सही जवाफ भने पाएका छैनन् ।
ओलीले यो अधिवेशन सकाएर बजेट अधिवेशन शुरु गर्ने तयारी थालेको बुझिएको छ । बुधबार विभिन्न वार्षिक प्रतिवेदनहरू पेश गर्ने कार्यसूची रहेको छ । विभिन्न समितिका सभापतिले वार्षिक प्रतिवेदन पेश गर्ने कार्यसूची तय भएको संघीय संसद सचिवालयले जनाएको छ ।
© 2025 All right reserved to khabarcnter.com | Site By : Sobij
