२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । राष्ट्रिय स्वतन्त्र पार्टी (रास्वपा)का महामन्त्री डा.मुकुल ढकालले केन्द्रीय समितिको बैठकमा सभापति रवि लामिछानेले समीक्षा प्रतिवेदनबारेको लिखित प्रस्ताव पेस गर्न नदिएको बताएका छन् ।
जारी केन्द्रीय समितिको बैठकमा महामन्त्री ढकालले आफ्नो समीक्षा प्रतिवेदन बारेको लिखित प्रस्ताव पेस गर्न सभापति लामिछानेले नदिएको आरोप लगाएका हुन् ।
उनले भनेका छन्, ‘समीक्षा प्रतिवेदनका आधारमा पार्टी महामन्त्रीको तर्फबाट प्रस्ताव पेश गर्न हिजो सचिवालयको बैठकमा अनुमति दिएको थियो । तर, लिखित प्रस्ताव तयार पारिए पनि पेश गर्ने अनुमति सभापतिले दिनुभएन । प्रतिवेदनका आधारमा तयार गरिएको प्रस्तावमा पार्टीलाई रविको पार्टी नभएर राष्ट्रीय स्वतन्त्र पार्टी बनाउनु पर्ने कुरा उल्लेख छ ।’
यसका साथै उनले तत्कालीन अवस्थाबाटै पार्टी अगाडि बढेमा रास्वपा पतन उन्मुख हुने जिकिर गरेका छन् ।
बैठकलाई प्रत्यक्ष प्रशारणको माग राखेका ढकालको सो माग पूरा नभएपछि उनले मुखमा कालो टेप लगाएर बैठकमा सहभागिता जनाएका छन् ।
© 2025 All right reserved to khabarcnter.com | Site By : Sobij
