२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । राष्ट्रिय स्वतन्त्र पार्टी (रास्वपा) महामन्त्री मुकुल ढकालले पार्टीको केन्द्रीय समिति बैठकमा मुखमा कालो टेप लगाएर सहभागी भएका छन् ।
आज (बुधबार) बिहानदेखि सुरु भएको उक्त समितिको बैठकमा महामन्त्री ढकालले आफ्नो माग सुनुवाइ नभएको भन्दै मुखमा कालो टेप लगाएर सहभागी भएका हुन् ।
उनले केन्द्रीय समिति बैठक प्रत्यक्ष प्रसारण गर्नुपर्ने भन्दै यसअघि पार्टीमा माग राखेका थिए । तर, उनको माग सम्बोधन नभएपछि कालो टेप मुखमा लगाएको उनको जिकिर छ ।
ढकालले पार्टी सभापति रवि लामिछानेलाई बुझाएको प्रतिवेदनमाथि केन्द्रीय समितिको बैठकमा छलफल गर्ने एजेण्डा छ ।
उनले पार्टी सञ्चालनको वर्तमान पद्धति परिवर्तन नगरे २०८४ सालमा रास्वपा सकिने चेतावनीयुक्त प्रतिवेदन सभापति लामिछानेलाई बुझाएका थिए ।
© 2025 All right reserved to khabarcnter.com | Site By : Sobij
