२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । कांग्रेस–एमालेको सत्ता समीकरणको मोटामोटी सहमतिको खाका तयार भएको छ । शेरबहादुर देउवा र केपी शर्मा ओलीबीच भएको सहमति अनुसार उक्त खाका तयार भएको हो ।
यसका लागि देउवा–ओलीले अन्य दलहरूसँग पनि सत्ता सहकार्यको सहमति खोजीरहेका छन् । यस्तो अवस्थामा राष्ट्रिय प्रजातन्त्र पार्टी (राप्रपा) सरकारमा जाने वा नजानेबारे पार्टीमा छलफल गर्न लागेको छ ।
यसका लागि उसले आफ्ना पार्टी पदाधिकारीसँगको संयुक्त बैठक बोलाएको छ । प्रवक्ता मोहन श्रेष्ठका अनुसार राप्रपा सरकारमा जाने वा नजानेबारे पार्टी पदाधिकारीसँग छलफल हुँदैछ ।
यद्यपि राजनीतिक वृत्तमा राप्रपा सरकारमा संलग्न हुने प्रवल सम्भावना रहेको आकलन गरिएको छ । राप्रपाले राजतन्त्र र हिन्दुराज्य पुनःस्थापनाका लागि विगत लामो समयदेखि संघर्ष गरिरहेको छ ।
राप्रपाले यसअघि गण्डकी प्रदेशमा कांग्रेस नेतृत्वको सरकारलाई समर्थन गरेको थियो । बैठक केन्द्रीय कार्यालय धुम्बाराहीमा बस्नेछ ।
© 2025 All right reserved to khabarcnter.com | Site By : Sobij
