२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । बिहान ११ बजेका लागि बोलाइएको संसद् बैठक स्थगित भएको छ । प्रतिपक्षी दलहरुसँगको छलफल निष्कर्षविहीन भएपछि उक्त बैठक स्थगित भएको हो ।
पूर्वनिर्धारित समयमा बैठक बस्न नसकेपछि आज (शुक्रबार) दिउँसो २ बजेका लागि पुनः बस्ने गरी सूचना जारी गरिएको छ ।
प्रधानमन्त्री पुष्पकमल दाहाल ‘प्रचण्ड’ र प्रतिनिधिसभाका सभामुख देवराज घिमिरेले विपक्षी दलहरुसँग गरेको छलफल निष्कर्षविहीन भएको छ ।
बिहानैदेखि प्रधानमन्त्री र सभामुखले प्रमुख प्रतिपक्षी दल नेपाली कांग्रेस लगायतका अन्य दलहरुका प्रमुख सचेतक र सचेतकसँग गरेको छलफल निष्कर्षविहीन भएको हो ।
सहकारी ठगीमा संलग्न उपप्रधान तथा गृहमन्त्री रवि लामिछाने उपर छानबिनका लागि संसदीय समिति गठनको अडानबाट प्रतिपक्षी दलहरू पछि हटेका छैनन् ।
उनीहरुले आज विपक्षी दलहरुको बैठक नै आह्वान गरेर उक्त समिति गठनका लागि प्रतिवद्धता जनाएका छन् ।
© 2025 All right reserved to khabarcnter.com | Site By : Sobij
