२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । प्रधानमन्त्री पुष्पकमल दाहाल ‘प्रचण्ड’ र प्रतिपक्षी कांग्रेसका शीर्ष नेताहरुबीच छलफल भएको छ । उक्त छलफल प्रधानमन्त्री निवास बालुवाटारमा आज (आइतबार) बिहान छलफल भएको हो ।
प्रधानमन्त्री र कांग्रेस नेताहरुबीच आगामी संसद् बैठकको अवरोध हटाउनेबारे छलफल भएको हो । छलफलमा कांग्रेसका शीर्ष नेताहरुले गृहमन्त्री रवि लामिछाने सहकारी ठगीमा संलग्न भएको भन्दै छानबिनका लागि संसदीय छानबिन समिति गठन गर्न प्रधानमन्त्रीसमक्ष माग राखेका थिए । उनीहरुको मागमा प्रधानमन्त्री प्रचण्ड सकारात्मक भएको कांग्रेस पार्टी प्रमुख सचेतक रमेश लेकखले बताए ।
कांग्रेस नेताहरुबीच बिहान भएको छलफल लगत्तै राष्ट्रिय सभा गृहमा आयोजित एक कार्यक्रमपछि प्रधानमन्त्रीले भने, ‘मैले गम्भिरतापूर्वक नै आज प्रमुख प्रतिपक्षसँग छलफल गरेको छ । निष्कर्षमा नपुगे पनि मलाई के विश्वास भएको छ भने भोलि बेलुकासम्म हामी एउटा निष्कर्ष निकालेर नीति, कार्यक्रम सहज ढंगले अगाडि बढ्ने वातावरण बन्छ ।’
आगामी जेठ १ गते संघीय संसद्को संयुक्त (राष्ट्रिय र प्रतिनिधिसभा) बैठकमा राष्ट्रपति रामचन्द्र पौडेलले आगामी आर्थिक वर्ष २०८१–०८२ को नीति तथा कार्यक्रम प्रस्तुत गर्ने तयारी छ ।
© 2025 All right reserved to khabarcnter.com | Site By : Sobij
