२०८२ कार्तिक २२ गते शनिवार
२०८२ कार्तिक २२ गते शनिवार
काठमाडौं । नेकपा एकता राष्ट्रिय अभियानका संयोजक तथा तत्कालीन एमाले नेता वामदेव गौतम आफू एमालेमा फर्किन आतुर रहेको बताएका छन् ।
नेता गौतमले वरिष्ठ राजनीतिज्ञ सिद्धिनाथ ज्ञवाली स्मृति ग्रन्थ विमोचन कार्यक्रममा बोल्दै आफु एमालेमा फर्किन आतुर रहेको बताउँदै अध्यक्ष केपी शर्मा ओलीले ७–८ महिनादेखि कुरिरहेको बताएका हुन् ।
उनले आफुलाई पार्टीले दिएको जिम्मेवारी पुरा गर्न तयार रहेको बताउदै ओलीले नेकपा फुटेको बेला आफु कतै नलागेकोले आफुलाई घाटा लागेको समेत बताए ।
आफुलाई नेकपा फुटायो भनेर आरोप लागेको विषय उठाउँदै आफुले नेकपा नफुटाएको जिकिर गर्दै आफू त्यति बेला कतै नलागेको स्पष्ट गरे । नेता वामदेवले ओलीकै आगाडी भने, ‘म एमाले आउने तपाईंको खुट्टा तान्न आउने होइन । म तपाईंलाई अहिले भन्दा बलियो बनाउन आउने हो । २०८४ मा ६० लाख भोट ल्याउने योजना बनाएर सफल बनाएर देखाउ ।’
सोहि कार्यक्रममा ओलीले बामदेवको एकताको भावना सकारात्मक रहेको बताउँदै अहिले यस विषयमा आफुले चर्चा गर्न नचाहेको बताए ।
© 2025 All right reserved to khabarcnter.com | Site By : Sobij
