२०८२ भाद्र २ गते सोमवार
२०८२ भाद्र २ गते सोमवार
पार्टी हितविपरित कार्य गरेको भन्दै स्पष्टिकरण सोधिएका नेकपा एमालेका पाँचजना नेताले जवाफ नदिने भएका छन् । उनीहरुले बरु कारबाही भोग्ने स्पष्टिकरण नदिने अडान लिएका हुन् ।
स्पष्टिकरण सोधिएका मध्ये प्रभावशाली नेता भीम रावलले कारबाही भोग्न तयार भएको बताएका छन् । उनले भने,‘कारबाही भोग्न तयार छु तर प्रधानमन्त्री केपी शर्मा ओलीको स्वेच्छाचारी कदमसामु झुक्दिनँ ।’
स्पष्टिकरण सोधिएका अर्का नेता घनश्याम भुसालले स्पष्टिकरण सोधिएपछि पनि ओलीलाई गिरोहको सरदार भनेका छन् । ओली योभन्दा पनि अगाडि बढ्ने र कम्युनिस्ट पार्टी मात्र नभई राजनीतिक प्रणाली नै ध्वस्त गर्न लागेको आरोप लगाए ।
यसअघि नेकपा एमाले केन्द्रीय कमिटी बैठकले नेताहरु माधवकुमार नेपाल, भीम रावल, सुरेन्द्र पाण्डे र घनश्याम भुसालमाथि स्पष्टिकरण सोध्ने निर्णय गरेको थियो । उनीहरुमाथि पार्टी हितविपरित कार्य गरेको आरोप छ ।
© 2025 All right reserved to khabarcnter.com | Site By : Sobij
