२०८२ कार्तिक २३ गते आइतवार
२०८२ कार्तिक २३ गते आइतवार
काठमाडौं । मधेस प्रदेश मन्त्रिपरिषद्मा बिना विभागीय मन्त्रीले आ–आफ्नै अडान लिएका छन् । उनीहरुले मालदार मन्त्रालय बाहेक अन्य मन्त्रालयको जिम्मेवारी नलिने अडान लिएका हुन् ।
यसअघि सात्ता साझेदार दल नेकपा (एकीकृत समाजवादी)बाट बिना विभागीय मन्त्री बनेकी बेची लुंगेलीलाई श्रम तथा यातायात मन्त्रालयको जिम्मेवारी दिइएको छ । बैशाख ६ गते विना विभागीय मन्त्रीको शपथ लिएकी उनले आज मन्त्रालयको पदभार ग्रहण गरेकी छन् ।
नेकपा (माओवादी केन्द्र)बाट विना विभागीय मन्त्री बनेका भरतप्रसाद साहले अर्थ मन्त्रालय लिने अडानमा छन् । मुख्यमन्त्री सरोजकुमार यादवले चौथोपटक विश्वासको मत लिनु पूर्व अर्थ मन्त्रालय दिने वचन पूरा गर्नुपर्ने उनको माग छ ।
मुख्यमन्त्री यादवले उनलाई अर्थ नदिएर बाँकी रहेको वन तथा वातावरण मन्त्रालय दिन चाहेका छन् । तर, साहले उक्त मन्त्रालय लिन अस्वीकार गर्दै आएका छन् ।
जनमतले छाडेको श्रम तथ यातायात मन्त्रालय र लोसपाले छाडेको वन तथा वातावरण मन्त्रालय मुख्यमन्त्रीले आफैंले राखेका थिए ।
© 2025 All right reserved to khabarcnter.com | Site By : Sobij
