२०८२ भाद्र २ गते सोमवार
२०८२ भाद्र २ गते सोमवार
काठमाडौँ । प्रधानमन्त्री केपी शर्मा ओली संसद बैठक सकिएपछि संसद भवन पुगेका थिए । बालुवाटारमा आफैले आयोजना गरेको चियापान कार्यक्रम छोट्याएरओली संसद नपुग्दै बैठक भने सकिएको थियो। संसद् भवन पुगेर बाहिरिने क्रममा ओली र नेकपा ९माओवादी केन्द्र०का प्रभावशाली नेता वर्षमान पुन 'अनन्त'बीच जम्काभेट भयो ।
प्रतिनिधि सभा विघटनअघि वर्षमान ओलीकै क्याबिनेट मन्त्री थिए । तत्कालीन ऊर्जामन्त्री पुनले पुस ५ गते प्रतिनिधि सभा विघटनको निर्णयमा असन्तुष्टि जनाउँदै मन्त्री पदबाट राजीनामा दिएका थिए ।
सर्वोच्च अदालतले नेकपा खारेज गर्दै एमाले र माओवादी केन्द्र ब्युँताइदिएपछि ओली र पुनको पार्टी छुट्टाछुट्टै भएको छ ।
प्रतिनिधि सभा भवनबाट बाहिरिने क्रममा सिँढीमै प्रधानमन्त्री ओलीसँग जम्काभेट भएपछि वर्षमानले नमस्कार गरे ।
ओलीले प्रत्युत्तरमा सोधे– आरामै हुनुहुन्छ ?
वर्षमानले जवाफ फर्काए– आराम छु प्रधानमन्त्रीज्यू । त्यसपछि प्रधानमन्त्री ओली फिस्स हाँसे, वर्षमान पनि मुस्कुराए ।
संयोग कस्तो भने त्यसकै केही समयअघि बसेको माओवादी संसदीय दलको बैठकले प्रधानमन्त्री ओलीलाई नैतिकताको आधारमा राजीनामा गर्न आग्रह गरेको थियो ।
बैठकपछि वर्षमानले नै सञ्चारकर्मीहरूलाई निर्णयबारे जानकारी गराएका थिए । उनले ओलीको चर्को आलोचना समेत गर्ने गरेका छन्।
© 2025 All right reserved to khabarcnter.com | Site By : Sobij
